Облыстық «Север - 2021» қысқы спорт ойындары өз мәресіне жетті. Аудан орталығы Тайынша қаласында облыстың 13 ауданының спортшылары бас қосты. Шараның жабылу салтанатына облыс әкімінің орынбасары Ғани Сақтағанұлы Нығметов қатысып, жарысқа қатысушы спортшыларды мерекемен құттықтады.

«Север - 2021» қысқы спорт мейрамы салауатты өмір салтын қалыптастырып, дене шынықтыру мен спорттың насихатталуына бағытталған. Өткізіліп отырған мереке ауданымызда спорттың кеңінен қанат жайып, дамып келе жатқандығының, салауатты өмір салтын жақтаушылардың қатары көбейіп келе жатқандығының дәлелі», — дей келе, облыс әкімінің орынбасары Ғани Сақтағанұлы Нығметов спортшыларға сайыс барысында көрсеткен белсенділіктері үшін алғыс білдірді. Сонымен желтоқсанның 9-13 аралығында барлық ауданның үздік спортшылары «облыс чемпиондары» атағы үшін бақ сынасты.

Шайбалы хоккейден 3-орынды Ғ. Мүсірепов ауданы, 2-орынды Қызылжар ауданы, 1-орынды Аққайың ауданы иеленді.

Шорт-трек бойынша 3-орында Шал ақын ауданы, 2-орында Аққайың ауданы тұрақтап, 1-орынды Ғ. Мүсірепов ауданы иеленді.

Шаңғы жарысынан 3-орынды Есіл ауданы, 2-орынды - Тайынша, ал 1-орынды Тимирязев ауданы жеңіп алды.

Футзал бойынша ойын нәтижелері келесідей болды: 3-орын Уәлиханов ауданы, 2-орын Тайынша ауданы, 1-орын Есіл ауданы.

Ринг-бенди бойынша жеңімпаздар мен жүлдегерлер: 3-орын Ғ. Мүсірепов ауданы, 2-орын Есіл ауданы, 1-орын Тайынша ауданы.

Президенттік қысқы көпсайыс бойынша 3-орынды Шал ақын ауданы, 2-орынды тайыншалықтар, ал бірінші орынды Тимирязев ауданы иеленді.

Спортшыларымыз шорт-тректен үздіктер қатарынан байқалмаса да, футзалдан екінші орынды, шаңғы жарысынан екінші орынды және жалпы есепте бірінші орынды жеңіп алды. Жарыс қорытындысы бойынша, Аққайың ауданы екінші орынды иеленіп, Ғ. Мүсірепов ауданы үшінші орында тұрақтады.

Жалпыкомандалық есепте нәтижелер төмендегідей:

13-орын Жамбыл ауданы (41 ұпай)

12-орын Айыртау ауданы (53,5 ұпай)

11-орын Мамлют ауданы (68,5 ұпай)

10-орын Ақжар ауданы (68,5 ұпай)

9-орын Уәлихан ауданы (71,5 ұпай)

8-орын Шал ақын ауданы (74,5 ұпай)

7-орын Қызылжар ауданы (78 ұпай)

6-орын Мағжан Жұмабаев ауданы (79,5 ұпай)

5-орын Тимирязев ауданы (81,5 ұпай)

4-орын Есіл ауданы (95 ұпай)

Үздік үштікті тұйықтаған Ғ. Мүсірепов ауданының командасы диплом, кубок және 100 000 теңге сомасындағы сертификатқа ие болды. Күміс жүлде мен 200 мың теңгені Аққайың ауданы еншіледі. Ал сайыстың жеңімпазы – тайыншалық спортшыларға диплом, кубок және 300 мың теңге ақшалай сыйақы табысталды.

Спартакиаданың салтанатты жабылу рәсімінде қысқы спорт ойындарының жалауы М. Жұмабаев ауданына беріліп, «Север - 2022» ойындары аталған ауданда өтетін болады.

Гүл ЖАМАШҚЫЗЫ, «Тайынша таңы»