Кітапханашылар өміріне көз жүгіртсек: жалпы кітапханашы мамандығын кітапты жанындай сүйетін, көркем әдебиеттерді қызыға да тамсана оқитын, сол мамандықты жан-тәнімен қалап, шынайы сүйіспеншілігі бар адамдар ғана таңдайды.

 

Кітап - шамнан шырақ жағып, кемелденуге бастайтын бірден-бір құрал. Ғылым дамуда, бірақ біле білген адамға мұның бірі де кітаппен айырбас жасай алмайтыны анық. Әрдайым жастар кітап әлемінде калыптасуы керек, кітап – жан азығы деп бекер айтылмаса керек... 

 

Тайынша аудандық кітапханасында "Кітапхана шығармашылық және әлеуметтік белсенділікті дамыту ортасы" тақырыбында кітапхана қызметкерлеріне арналған семинар өтті.

 

Қазақстан Республикасы күнін мерекелеу қарсаңында Тайынша орталық кітапхана жүйесінің директоры Л. Кирюшинаға, аудандық кітапхананың қызмет көрсету бөлімінің меңгерушісі Б.Өтелбаеваға, Тайынша аудандық кітапханасының библиографы С. Байқадамоваға, Аққұдық ауылдық кітапханасының кітапханашысы У.Сәтпаеваға және  Краснокамен ауылдық кітапханасының кітапханашысы Л.Грысюк "Қазақстанның құрметті кітапханашысы" естелік белгісі табыс етілді. Сонымен бірге, аудан кітапханашыларының қызметкерлері мен бір топ ауылдық клуб мамандары алғыс хаттармен марапатталды. 

 

Өз кезегінде Мәдениет, тілдерді дамыту, дене шынықтыру және спорт бөлімінің бас маманы К.С. Жұмабаева, Тайынша ОКЖ бас бухгалтері Л.Н.Васковская мәдениет, спорт, туризм және ақпарат қызметкерлерінің қазақстандық салалық кәсіптік одағының Құрмет грамотасымен марапатталды.

 

Құттықтаймыз!