Бүгінгі таңда жастардың сапалы білім, саналы тәрбие алуына зор үлес қосып отырған  білім ошақтарының бірі - Тайынша агробизнес колледжі. 

 

Білім ордасының тарихы 1959 жылдан бастау алады. Бүгінгі таңда бұл оқу орны аудандағы ауыл шаруашылығы үшін кадрлар даярлайтын бірден-бір базалық білім ордасы. Жарты ғасыр бойы осы мектептің қабырғасында мыңдаған түлек үлкен өмірге жолдама алды.

 

Колледж студенттері жыл сайын «Үздік мамандық иесі» байқауына қатысады. Жұмысшы мамандықтарына назар аудару және жоғары кәсіби стандарттарды дамыту үшін жағдай жасау "WorldSkills" Чемпионаты болып табылады, оны «Жұмысшыларға арналған олимпиада» деп те атайды.

 

Білім ошағында еңбек атқаратын ұстаздарымыздың бірі — Қайрат Қанғожаұлы Шаяхметов. Ол өз ісінің маманы, «Ғимараттар мен құрылыстарды салу және пайдалану» мамандығы бойынша арнайы пәннің оқытушысы, бірінші санатты білікті ұстаз. Ұлағатты Ұстаз, биік белестерден көріне беріңіз!